任何年纪男人，只爱嗒20几岁女

　　任何年纪男人，只爱嗒20几岁女? 　　“总有Ｄ人识货，知道女人同酒一样，年份越长越香醇，越有味道，越值钱…" 　　天王城城50岁嗒27岁女模特儿，全城疯狂讨论男人无论任何年纪，都只爱20几岁靓女的言论，令一众年纪渐大甚至已40岁的女士自信心如楼市一样海啸式下降，实在令小弟看不过眼，因为小弟相信爱情无分学历、文化修养、种族、年纪甚至性别。。。。 　　为了鼓励更多人特别是接近40岁女士努力追求自己的幸福，贯彻「有一种幸福叫主动」的精神，我决定公开几位曾与我相睇，接近或超过40的女士成功找到另一半的故事，以说明年龄绝非问题，主动与否才是问题。 　　在「盛女爱作战」中，已届39岁的F字头女士话想搵细自己5年到大自己5年的男士做伴侣，俾钻石媒人Mei Ling闹不设实际，皆因几多岁的男人，都爱後生女，而且女士到了36已属高龄产妇，不利生产下一代，因此36至40几的女士*大镬，因为参唔多年纪到接近50岁的男人仲可能有得生，至多会选30头的女士，因为仲想要小朋友。到50岁过外的男士，已无得生，又只会选择50过外的女士，沟通好D，因此39岁的F想搵细自己5年到大自己5年的男士做伴侣，即系唔驶搵，可以收皮矣。 　　钻石媒人开办婚姻介绍公司，有咁多年经验，自有其道理，仲好明显系有数据支持她的说法。但我遇到几位40岁女士（AV称为40路）的遭遇，却有另一番景象，全部都搵到佢的另一与与幸福。 　　只系呢Ｄ幸福唔系我俾佢地的，这些机会又一次唔系我的，你都咪话唔伤心。 　　个案一：土地不足拆散良缘 　　与一个39岁的女士相睇，老实讲佢仲系几靓，个样仲有Ｄ似某届香港小姐季军林莉，都唔系太觉39岁。嗰晚间餐厅系好嘈，有班鬼佬开party唔知庆祝乜，Ｖ哗鬼叫成晚，嘈到我听唔到林莉讲野，要哄块面好埋好埋先听到，成个几钟就几乎面贴面咁讲野，讲到好无瘾，食完即刻埋单走人。 　　林莉都同意，间餐厅好嘈倾唔到，但转地方倾佢又唔肯，间餐厅系尖沙咀佢住元朗，话太夜返屋企唔好。 　　之後我有WS APP过俾佢，问佢星期日有乜活动，佢话约左人喎。。。之後就无联络lu。。。 　　我一直觉得呢单野系土地不足问题，一段大好良缘就咁无左lu。。。 　　大半年之後，我无意间发意她的facebook，见到佢个status系订婚。。。 　　在此祝福她与她的另一半，幸福快乐，不会因为土地问题而出现任何问题。。。 　　个案二：「我对你系有感觉的。。。」 　　「我对你系有感觉的。。。」呢句话系出自一位41岁的女士的WS APP对话中，我唔知系真定假，惟有选择相信，毕竟呢亭机会绝无仅有，当真会好过Ｄ。 　　佢系做普通文职，喜欢做运动，身型好瘦，个样与年龄相若。唔知真定假，佢话一直有20几岁的男士追佢，以前有後生同事话劲锺意佢仲送花俾佢，追到佢瘦个只，但由於年龄问题拒绝左呢块小鲜肉；又话系相睇公司好多未够30岁的男士要求与他见面，她都一一拒绝了。 　　和我相睇後，佢问过我系咪年纪大就无机会，我一直鼓励佢，亦有食过几次饭。食饭倾谈其间彼此发现大家都有共同嗜好，就系怀旧，连以前的漫画同剧集都有共同口味，一倾就几个钟。响大时代未翻播前，已倾过话大家*锺意的剧集就系呢套，仲约埋一齐睇，但谂唔到咩地方合适。*後谂到去网吧搵两个连位黎睇，百零蚊可以坐几个钟，虽然全场*老就系我地两个。。。网吧越夜越嘈，但耳筒只有一个，我仲买定一个出声的分插，可以两个都戴住耳筒黎睇。之前佢已经问过我点解WS APP覆得咁短但出黎咁多野讲，系咪唔锺意用WS APP？後来有个几星期无约，佢WS APP过俾我话「我地仲约唔约？我对你系有感觉的。。。，睇下有无机会发展？」 　　可惜我觉得同佢某方面系好夹，但另外一Ｄ方面又唔系太夹，做朋友可以的，但再发展未必得，就覆左佢话做朋友算。 　　无几耐（真系无几耐，好似个零月到）佢就系Facebook宣布搵到真爱，条友个样系有Ｄ似我，系怀旧讨论区识的。。。佢要仲要一去齐旅行好似成两三个月，十足预渡蜜月咁款。 　　我有短讯佢恭喜佢，佢话要多谢我，因为系我介绍佢加入呢个怀旧讨论区，佢先识到呢个男朋友，仲提醒我唔好Hea覆人　WS APP，唔系好容易食蕉，因为女士会认识Hea覆人　WS APP即系唔重视or无机会。 　　我明明记得第二次食饭时，佢已经话系呢个怀旧讨论区浦左好耐，点解无端端又会变左系我介绍佢加入，仲好似做埋佢媒人咁架呢？真个奇哉怪也，摸不着头脑。 　　无论点，佢已经搵到幸福，咁真系太好了。。。只希望佢的另一半唔好Hea覆佢WS APP。 　　个案三：「我要识左一年先拍拖」 　　「我要识左一年先拍拖」系出自一位39岁的女士口中。 　　呢位女士我系交友网站识的，pm一两次後就交换了facebook同wechat同电话。佢起初好积极，不断漏我讲野，漏到我问佢点解会咁得闲，佢话返工无乜做，但人工又超高，直情系管理级人工。 　　佢一个人住的，我上过佢屋企两次。。。 　　详情迟我讲完女神就会讲呢个，总之佢系话要识左一年先拍拖，但我计过我识佢未够一年，佢已经系Facebook宣布结婚，仲有埋结婚相。。。识我时明明话无拍拖想搵伴侣，识一年先拍拖但识唔够一年可以结婚。。。唔怪得好多人唔识都可以上床。。。只系唔同我上咁解。。。 　　佢好矮好细粒，老公就超高，我估高我半个头以上。。。 　　阿妈话，呢Ｄ叫电灯柱挂老鼠箱。。。 　　既然已成为人妻，我也只能祝福他和条电灯柱幸福快乐。 　　个案四：时光倒流二十年 　　仲有一位系39岁的专业人士，起楼个Ｄ。老实讲我系睇到佢幅相而约佢，因为幅相好正，好吸引。但系餐厅见佢坐低时，我直头想问佢系咪坐错位，我唔系约你，望真Ｄ先知原来系佢，幅相後生左20年。。。 　　食完饭我送佢返屋企时，我衰衰咁问佢幅相几时影，系咪好耐，佢话唔系，早几个星期影。我话你搵边个摄影师，系咪高手。。。佢话系化粧班化完後影的，咁个化粧师真系无得顶。。。 　　佢话好多老友睇完幅相都话佢索，确实系。。。但无几耐见佢系相睇公司的网页换左相，换左Ｄ同实际外貌相乎的相。。。 　　我同佢食过两次饭，我又去过佢教会睇下。佢亦有同朋友聚会要我教佢地玩一款棋板游戏两次，但之後无联络lu。。。 　　又系大半年後，又见佢系facebook宣布搵到伴侣，好开心。又好奇怪，我梗系觉得条友有Ｄ似我，又系肥又系戴眼镜又系有Ｄ似毒男。。。 　　搵到咪好罗，我都无乜野好讲。 　　所以话，女人40一枝花，爱嗒後生女的男人系多，但总有Ｄ人识货，知道女人同酒一样，年份越长越香醇，越有味道，越值钱，古语都有芸老婆越老婆可爱，只要佢做左你老婆的话。。。 　　希望这一篇文章，能鼓励更多不同年纪的男男女女，努力找寻另一半，有一种幸福叫主动。 　　女神下集同「我要识左一年先拍拖」详细版稍後会出，敬请拭目以待。